دليل تركيا
دليل الشركات - أخبار تركيا - سياحة وسفر - فرص عمل - العلاج والتجميل

تجارب زراعة الشعر في تركيا عند الدكتورة أرزو

التجربة الخامسة: هزاع من الكويت

هذه التجربة كانت بتاريخ 06/08/2011

1٬183

السلام عليكم جميعا

تجربتي مع زراعة الشعر في تركيا.. دخلت هذا المنتدى الطيب بهله وشفت التجارب والصور وقعدت أسئل وبالصدفة صديقي يعرف واحد سوى العملية بتركيا وتم الاتصال به.. ووصاني على زراعة الشعر عند الدكتورة ارزو في تركيا وعطاني تلفون الأخ عصام..

أتصلت على الأخ المنسق شرحت له الوضع وقالي دز الصور ودزيت له الصور وشافها واتفقنا على السعر.. بس عدد البصيلات ما قالي شي يقول لاجيت نشوف ونقولك..

فكرت وكلمت عيادات أخرى كان فيه فارق بالسعر.. المهم انا كأني ارتحت لعيادة ثانية غير عيادة الدكتورة ارزو يمدحونها شباب في المنتدى.. بس أغلا ونسقت معاهم وبعد إسبوعين تقريبا ونويت على الزراعه.

قمت وصليت إستخارة والله ثم والله أول ماسلمت ولا المنسق يتصل فيني! (سحر) أخر علمي فيه يمكن قبل إسبوعين كلمته هلا  أخبارك… من الأخر قلت له حبيبي متى أقدر أجيك؟ قالي كيفك قلت له بعد يومين يصادف 3/10/2012 الوصول والعملية 4/10/2012 و5/10/2012 على مرحلتين.. قالي اوكي دز لي صورة التذكرة عشان التكسي يجيك أوكي باي باي.. طبعا عقب الأستخارة ودق علي المنسق قلت الله كاتب لي عنده.. وتوكلت على الله رحت وحجزت ودزيت له صورة التذكرة وبالفعل يرحب وسهل..

تفاصيل الرحلة..

طرت من الكويت الساعة 7 صباحا 3/10/2012 والله المعلومات الي عندي بسيطة جدا.. وصلت تركيا 11.30 طلعت من المطار والسايق قدامي خذا الشنط.. رجل محترم تركي وداني للمستشفى وأول ما وصلت ولا المنسق قدامي على الباب.. سلمت علية وداني للمكتب فوق..

شربت شاي وعبيت الطلب وشرح لي بعض الشغلات.. وقالي أمش للغرفة حطيت الأغراض والشنط قلت له فيه ناس مسوين العملية موجودين قالي فية 3 كويتيين وسعودي وأجانب.. قلت له وين الكويتيين قالي واحد مقابل غرفتك و2 تحت قلت ممكن أشوفهم قالي يالله طبعا.. أنا مستانس أبي أشوف لو واحد أبي أعرف شنو صار معاه! مالكم بالطويله دشيت غرفة ولا فيها 2 كويتيين قاعدين يتغدون.. السلام السلام أخباركم قالوا والله الحمدلله كل شي زين والأمور طيبة.. تحسون بشي قالو لا والله بس نفاخ بسيط من البنج متى سويتو عملية زراعة الشعر؟ قالو قبل أمس والله.. الشغل عدل عجبني طلعت منهم رحت للسعودي مو موجود طالع.. رحت للكويتي الي بنفس الدور ولا مسوي العملية أمس أخبارك أعلومك يمدح فاله.. يقول كل شي تمام توكل على الله.

والله ياجماعة عجبني الوضع قلت للمنسق فيه مجال أسويها اليوم قالي ليش أقعد لبكره قلت له خلني أخلص قالي معزم قلت له توكل على الله قال عطني شوي وبلغك روح للغرفة وأجيك رحت الغرفة صليت الظهر والعصر جمع الساعة ألحين حول 1.30 الظهر جاتني سستر خذت مني دم وراحت شوي طلعت للمنسق فوق أبي المخلاص قلت له هاه اليوم ولابكره قال لحضة كلم تلفون قالي إنشالله اليوم بس بعد نتيجة الدم يعني على الساعه 4 بس انت ماكل ولا جوعان قلت له على اكل الطيارة قالي خلاص لاتاكل شي اوكي اوكي رحت للغرفة

تفاصيل العملية:

بدات العملية طبعا أنا والله متوكل على الله ماسألت عن البنج ولا شي الجماعة عطوني بنج ماحسيت بشي إلا أخر شي قمت لقيتهم يشتغلون في منطقة التاج قلت لهم وش العلم قالوا خلصنا بس نص ساعة وتروح للغرفة..

كملوا شغلهم هاه كم شعرة قالوا 4412 شعرة لفوا راسي من الخلف ودوني لغرفتي الساعة ألحين الله وعلم 9 مساء قعدت شوي ونمت الصبح رحت تحت شالوا للفه الخلفة وحطولي مرهم وقالوا روح للغرفه..

حسيت بعوار ولاكن مو واجد عطوني حبوب 3 أنواع وجلست عندهم 4 أيام واليوم الرابع كلمت المنسق من أمس ماشفته وينك قالي أنا في مدينة يلوا طبعا هو قايلي من أول يوم أنا بالويكند بروح لهلي بيلوا وكان يمدح المنطقة قلت له أنا خلصت ودي أطلع من المستشفى وأبي أقعد كم يوم نقاهه شرايك أجيك في يلوا قالي مرحبا ومسهلا طبعا بالانجليزي ههههه قالي أخذ أغراضك وركب تكسي وخله يكلمني ركبت التكسي وكلمة قالة وده للعبارة ورحت قصيت التذكرة قالو الرحلة بعد 45 دقيقة.

جلست بالقهوه شوي نادونا للركوب وساعة ونص في يلوا إستقبلني المنسق في الميناء ووداني فندق محترم على المارينا يرد الروح وقالي ريح وبعد ساعتين أمرك تروح معاي للبيت إنتعشا طبعا حلفت علية وقلت بزورك بس شاي لأني تعبان ولا أبي أكلف علية أبن الحلال ماقصر.. والله بعد ساعتين مريت محل تحت الفندق وخذيت له هدية للبيت وجاني ورحنا وقعدنا في بيته على البلكونة وتعرفت على زوجتة إنسانة خلوقة جدا.. وثاني يوم المنسق رجع لسطنبول وأنا قعدت يومين عقبة تمشيت الديرة حلوه وبعدها رجعت تقسييم وكلمت المنسق قلت له بكرة طيارتي وأنا في تقسييم.. قالي خلاص تعال المستشفى العصر نغسل لك راسك ونسلم عليك.. ونوديك بتكسي المستشفى وبالفعل صار كل شي ورجعت الكويت 9/10/2012 بالليل وسلامتكم جميعا..

أترككم مع الصور..

هلا وغلا بالجميع كيف حالكم إليكم التحديث طبعا صبغت الشعر بالحنى الأسود لأن الشيب طغى مع إنهم محذريني بعدم الصبغ إلا بعد أربع أشهر ولاكن أندور الزين هذي الصور بعد العملية ب 40 يوم 12/11/2012

شرايكم صار لي 3 أيام أستخدم الشانبو مع البخاخ
تحديث 28/01/2013

100%
رائع جداً

تجارب زراعة الشعر في تركيا

  • يرجى تقييم هذا المقال
اترك رد
محادثة واتسأب مباشرة
هل تريد المساعدة؟
مرحباً ...
هل تريد المساعدة؟
تواصل معنا مباشرة عبر الواتسأب.