دليل تركيا
دليل الشركات - أخبار تركيا - سياحة وسفر - فرص عمل - العلاج والتجميل

تجارب زراعة الشعر في تركيا عند الدكتورة أرزو

التجربة الأولى: ريمون من مصر

هذه التجربة كانت بتاريخ 11/11/2013

42

مساء الخير عليكم انا طبعا عارف أن كل واحد بيقرا تجربتى مهتم انه يعرف كل التفاصيل متقلقوش انا كنت مكانكم كدة وحاسس انى هعمل المستحيل لكن الموضوع اسهل وابسط مما تتخيلوا بس يكون عندكم إرادة وعزيمة وصبر وطولة بال المهم انا هخش فى الموضوع علاطول.. زراعة الشعر في تركيا

انا اسمى ريمون عندى 27 سنة مصرى مقيم بالقاهرة كنت بعانى من تساقط شعر مستمر ومكنتش عارف السبب، طرقت ابواب دكاترة كتير من اكبر التخصصات فى مصر فى مجال التجميل والجلدية واشهرهم على الاطلاق، وكان الرد أن سبب التساقط هو عوامل الجو والهرمونات والوراثة والشامبوهات السيئة وكأى طبيب كان بيتم كتابة روشتة بيها عدد من الشامبوهات والاسبريهات والفيتامينات، وللاسف كنت باخد الكورس لمدة 6 شهور وبمجرد أن اتوقف عن تنوال العلاج كان شعرى يتساقط تانى ويرجع الوضع كما هو عليه..

الخطوة الأولى..

دخلت على الانترنت وشاهدت عن زراعة الشعر فى العالم فى لبنان وتركيا وظليت ابحث عن افضل المستشفيات والمراكز وافضلها سعراً، فلم اجد سوى زراعة الشعر عند الدكتورة أرزو الحل الوحيد لعلاج مشكلة تساقط الشعر او الصلع الوراثى هو زراعة الشعر ولو اى حد قالك غير كدة انا اسف بيكدب عليك ودة بعد بحث طويل..

قمت بالاتصال بالمسئولين بالمستشفى وصورت شعرى وارسلت لهم شعرى وبعت ايميل بهذا المضمون وكان الجواب بترحيب كبير انه سيتم زراعة الشعر بعدد بصيلات معين وحددولى تكلفة العملية وكل التفاصيل وبعدها علاطول حددت اجازة من الشغل وحجزت تذكرة رخيصة إلى تركيا – إسطنبول وكان تاريخ العملية 11/11/2013 وكا معايا المرافق/ صديقى ودى بعض صورى اللى ارسلتها للمستشفى..

 

الخطوة الثانية:

وصلت المستشفى علاطول وقابلت طاقم الدكاترة ممرضين ومخدر ومصمم الشعر وطبيبة الزرع وطبيبة الاقتطاف كل حد له دور وفى تنسيق وترتيب ونظام جامد اوى وكان فريق العمل..طبيبة الزراعة، طبيبة الاقتطاف، 3 ممرضات، اللى قام بحلاقة شعرى قالولى هعمل العملية تانى يوم عشان أكون مرتاح وفى اليوم الاول عملت التحاليل والفحوصات اللازمة والحمد لله كله سليم

طريقة الزراعة: الاقتطاف

تكلفة العملية 1800 يورو

مدة العملية: 7 ساعات

المنسق: عصام عجوز: مدير العلاقات العامة

الطبيبة: دكتورة ارزو

مصفف الشعر: كمال

عدد البصيلات المقتطفة: 2750 جرافت

دى صورى انا وصديقى المرافق واحنا فى المطار، وهناك قابلت واحد صاحبى شغال فى المطار الصراحة ونسنا اخر حاجة..

كانت الاقامة كاملة مجانية قمت خرجت بليل ورحت ميدان تقسيم المكان هناك تحفة واشتريت لبس كتير واكلت اكل عمرى ما كلته الناس كلها فى قمة الجمال والاحترام والتعاون، المهم وصلت المستشفى بليل بعد الخروجة الممتعة دى الساعة 11 نمت والساعة 7 بالزبط خبط عليا كمال وقالى يلا استعد العملية هتبدأ حلقت شعرى زيرو واتصورت وحضرونى للتخدير ودى صورى قبل الحلاقة وبعد الحلاقة.

مدة العملية..

العملية اعدت حوالى 7 ساعات وكنت عمال اهزر معاهم واضحك..
بعدها بيكتبولك على مضاد حيوى وكورتيزون وازازة الشامبو ومعاها لوشن ومرهم وبندانة هتعد تستخدمهم لمدة 20 يوم اخدت كمان مخدة طبية ومفارش قطن وكنت ملتزم انى انام ع السرير بوضعية معينة وبدون ما المس مكان الزرع ومتحركش خالص لان اى حركة مش فى مصلحتى عشان الشعر يثبت، فى الحقيقة اول يوم كان من اصعب الايام مش عشان كان فى وجع ولا حاجة،  لا عشان مكنتش عارف اتحرك.. والنومة ماكنتش مريحة.
ودى صورى بعد العملية مباشرة ومعايا دكتورة ارزو..
بعد تانى يوم الدنيا بقت كويسة وبدأت اكل وعملت تدليك لفروة الرأس باللوشن وسيبته نص ساعة وبعد كدة دكتور/ قدرى غسلى شعرى بالشامبو لحد ما القشرة بدأت تروح يوم بعد يوم وكررت الموضوع دة لحد اخر يوم، وفى اليوم الرابع تسوقت واتفسحت فى البلد وكانت من امتع الاوقات والناس من اجمل البشر ودى صور شعرى من الخلف ومن الامام بعد العملية مباشرة..

حابب اوريكم كمان صور البصيلات المقتطفة اللى تم حفظها فى سائل تعقيم تمهيدا لزراعتها مكتوب عليهم العدد والاسم ، كل حاجة فيها دقة واحتراف..

صور البصيلات..

تانى يوم الصبح علاطول قمت عملت اول غسلة الاول حطيت اللوشن وتركته لمدة نصف ساعة وبعدها غسلت بالشامبو ما تقلقش هيكون فى قشر واحمرار كله هيتشال بعد ما يعدى 12 يوم بفضل الغسيل المستمر والعناية الجيدة باللوشن لازم تواظب يوميا على الغسيل باللوشن والشامبوا بطريقة جيدة احرص على التدليك الخفيف وبدون ما تحك جامد حتى لا تتساقط البصيلات ودى صورتى ودكتور/ قدرى بيغسلى..
شعرى وكما صور الشامبو واللوشن والبندانة والمرهم المضاد الحيوى اللى هتستخدمهم خلال 20 يوم..

اه بالمناسة فى المستشفى هناك اتعرفت على عرب كتير جدا سعوديين وكويتة وامارتيين وخليجيين وحتى فى اجانب من السويد والمانيا والنمسا كلهم ناس محترمة ما شاء الله ودى صور الناس اللى عملوا العملية قبل وبعد..

اسطنبول جميلة جدا..

اتفسحت فى البلد واتعرفت على ناس هناك كانت من اروع الايام واشتريت لبس كتير وحلويات ومكسرات..

كانت رحلة ممتعة وسهلة وجميلة جدا الطيارة مش بتاخد اكتر من 2 ساعة والاكل ممتاز الصراحة وكان فى شاشة لكل راكب تقدر تتفرج على افلام بصراحة الخطوط الجوية التركية من افضل الخطوط واقلها سعرا انا سعر تذكرتى كانت 1300 جم فقط ذهابا وايابا..

بعد ما عدى شهر ونصف بدأ الشعر يطول والدم والاحمرار اختفى وبعد ما عدى 3 شهور الشعر كله طلع وكان فى احسن حال وبعد ما عدى الشهر الرابع الشعر بدأ يسقط كله تانى عشان ياخد الدورة الجديدة ويطلع علاطول، وانا حاليا فى الشهر الخامس وعشان النتتائج تطلع لازم تعدى سنة كاملة واحب اعرضلكم صورى بالترتيب شهرياً..

 الشهر الاول:

القشرة راحت تماما والشعر كله بدأ يطلع والاحمرا بدأ يزول..

الشهر الثانى:

الشعر بدأ يطول والقشرة بتروح تدريجيا

الشهر الخامس:

تحسن ملحوظ وقمت بحلاقة شعرى لمساواه كل المنطقة

ودى صور الشامبو والاسبراى اللى انت هتشتريهم من هناك قبل ما تسيب المستشفى”هاركس”  ويستحسن تشترى 4 شامبو و 4 سبراى وممكن تجيب اكترعشان هتستخدمهم طول السنة يوميا وبعد ما السنة ما تخلص ممكن تستخدم اسبراى وشامبو اسمه اكرينال او شامبو جون & جونسون..

الشهر  السادس:

طبعا انتوا قادرين تلاحظوا التطور المستمر وكثافة الشعر المتزايدة

ودى صور تانية بتوضح الشكل العام فى اواخر الشهر السادس:

يلاحظ نمو الشعر بشكل جيد جدا بنسبة 80% عن الاول

الشهر السابع

مرحلة متطورة جدا الشعر بدأ ينمو ويغطى كل الفراغات والشكل بدأ يكتمل ودى الصور

الشهر  الثامن..

كل المنطقة المزروعة اتغطت والشعر طول بشكل كبير وبقدر اصففه كمان اكيد قادرين تلاحظوا التطور الجذرى.


100%
رائع جداً

تجارب زراعة الشعر في تركيا

  • يرجى تقييم هذا المقال
اترك رد

لن يتم نشر عنوان بريدك الإلكتروني.

محادثة واتسأب مباشرة
هل تريد المساعدة؟
مرحباً ...
هل تريد المساعدة؟
تواصل معنا مباشرة عبر الواتسأب.